Инструменты пользователя

Инструменты сайта


kandtninj_kemema_potsom_salavine

Kandtninj kemema potsom salavine
http://erziana.my1.ru/publ/stikhi/aleksandr_arapov_kandtnin_kemema_potsom_salavine/2-1-0-890


Kandtninj kemema potsom salavine.
Kapšinj erämo. Čavot uljnesjt zeptne.
Arsinj - kisj kelej. Čalginj - son teine,
Nusmanät čitne dõ čopodat vetne.

Keverjs vanovksom sqepej modanjt langa,
Stuvtninj, kodamo tüsozo menelenjt.
Molinj čatjmonezj. Sasto. Apak pango.
Prok sokor, aštes ucäskam ikelen.

Prok lokšoso panjs lomanen zgilämosj.
Kiljdsjt ejsqen. Ezj tongovt kirjgazom aškosj.
Kekšninj lomande. Jaksterjgales čamasj.
Prok otjmas, ons ojmseme ojmes prakšnosj.

Sornõnj - sovsekšnes potmozom tardema.
Pelinj kežej inženj pej alov pongoms.
Dõ ezinj soda, meze ten teema,
Ška sakšnosj - kiskaks anok uljninj ongoms.

Monsj ansäk sodõnj, koda lajšinj onstom,
Mik tosoäk sedeem kemsqe čalgsesjt.
Kiäk ezj neje: ojmes monj ver potso,
Dõ tanstes kadovjs vejke - vandõnj valskes.

Pandõnj, pandõnj mon erämonten pitne,
Ezj kirde ojmem, penäcämo karmasj.
…Kuvatj solavtsjt sedeenjt manej čitne,
Kuvatj vadäšasj ejsqen lembe varmasj.

kandtninj_kemema_potsom_salavine.txt · Последние изменения: 2011/10/12 14:50 (внешнее изменение)